19 genier: lo director, Tòrsello de Niquelin, après aber gachat lo camp a decigut de remandar la partia. Lo camp avia encara un sòl de neu ente la meitat a l'ubac de la tribuna abo la pluieia que era calat après la pauta rendia lo camp una sanha ensoportable.
Lo recuper es da estabilir da part de la federacion.
12 genier: abo una prestacìon magistral la Prò Draunier ganha la Fòlgòre Caratese per 3 a 2 e porta a maison la premiera victòria defòra de la sason.
Un prim temp fantastic ont mister Caridi prepausa un 5-4-1 una chausia mai coratjusa remetent lo centrocamp a lhi jove '94, Jòvi e Begòlò, que rechambiarant abo una partia de gran corsa, capacitat tecnica eatencion tactica. La defença a cinq juador a donat lhi suas frutas abo un Pomer superlatiu, un Franc, just reitrat da l'incident a lo genolh, e Passerò, ont an demostrats d'esser da la part drecha una seguressa. Denant capitan Dutto, mai que mai digordit, es estat decisiu ente las duas ocacionas de goals abo De Peralta que solet a fach repart d'atac. A manchina, Garavelli a prepausat de juatas de categoria mai emportant e a marcat lo primier rigor, lo second goal de la jornada. Decò Madrigranò marcarà lo second penalty abo un manchi mai fort e segur.
De negatiu es que sabem pus mantenir lhi vatatges sensa patir lhi auments de ritme de lhi adversaris. Sobretot da la part manchina ont Pòrcarò era chapat ente lo mes da lhi esterns que a torn ponchaven lo jove.
Mas aquest bòt l'equipa es estat bon a tener dur e a portar a maison lo risult que dona una mai fort argal e l'esperança de poler trobar la salvessa.
5 genier: lo director, sig. Meravilha de Pistòia, après aber gachat lo camp abo lhi capitans a decigut de remandar la partia. Lo camp avia encara un sòl de neu ente la meitat a l'ubac de la tribuna e era pas possible juar una partia de balon en sicuressa per lhi garçons.
La partia serà juat lo mercres 15 o lo 22 genier pròssim.
28 decembre: valai lhi pensier sus la primiera part de lo campionat de la Prò Draonier que aquest an a festejat lo centenari de sa vida esportia.
Après la fantastica partia a Triest, finala de lhi play off, vanhà contra la Triestina, que a permettut de passar de categoria ente lhi semiprofesionistas de la seria D.
Un risultat encredible, perfect per lo centenari, per l'equipa que blaga lo major livel ente un campionat nacional e que rapresenta soleta lo territori de lenga d'òc de las Valadas d'Italia.
Donc l'iscricion ente la novela categoria es estat un òblig per lo President, dr. Còrradò Beccacini, que a juntat Jòvi e Garavelli, arribats rispectivament da lo Borgsesia (seria D) e da lo Coni (seria C), per donar un pontalh a la structura de l'equipa
En primier bòt es estat una fila de partias ben juaa qua a portat 7 ponchs en 8 partias. Un livel que pòlia bastar per aver una segura salvessa. Lo primier atac ma la mai marrit defensa.
Es tot aquò lo problema perqué après es estat una tragedia de risultat, mas gaire de juec. 9 desfachas son una situacion que pòrta a recular novelament ente la categoria sotana e l'equipa a pilhat na baronas de marcaduras: 50 gòl subit contra lhi 23 fach.
Mas lo President a pas acceptat aquesta situacion. A novelament tornat a trabalhar dins lo mercat d'unvern e a ja pilhat dui mai fòrt juador de categoria perqué las directas concurrents son encara pas de luenh.
En efet ja ente la derniera partia juat, aramba a lo Deineal, contra la Carònnese, avem agut un milhorament de juec ont la Prò Dronier a agut pas de fortuna contra la seconda en classifica.
Mas la situacion pòl aver un futur mai agreable e se lo staff de la Prò Draonier troveran un juador central per donar mai força a la defensa la salvessa es causa possible ensem a la vuelha de rescat marca de lhi motanhards de la val Maira.
òsca, òsca, òsca, força Prò Draonier!
"aima tiu sumi bèla ses un torment"
Lo dernier campionat dins lo Fosan
per saber carque causa de mai